2024 jylǵy 6 qarashada Qazaqstan men Fransııa Memleket basshylarynyń qoldaýymen Gıme – Azııa óneriniń ulttyq mýzeıinde (Parıj) Qazaqstan Respýblıkasynyń Ulttyq mýzeıi men «Áziret Sultan» memlekettik tarıhı-mádenı qoryq-mýzeıiniń kolleksııasynan «Qazaqstan: Uly Dala jaýharlary» kórmesi ashylady, dep habarlaıdy Egemen.kz.
Kórme 2025 jyldyń 24 naýryzyna deıin jalǵasady.
Qazaqstan Eýropa elderimen mádenı-gýmanıtarlyq yntymaqtastyqty nyǵaıtýǵa kóp kóńil bóledi.
Bul saladaǵy ózara is-qımyldyń mańyzdy baǵyttarynyń biri – tarıhı-mádenı murany dáripteý.
Qorynda Qazaqstannyń birneshe mádenı jádigeri bar, Azııa óneriniń álemdegi eń tolyq jáne Eýropa aımaǵyndaǵy eń iri kolleksııalary saqtalǵan Gıme – Azııa óneriniń ulttyq mýzeıinde Qazaqstannyń tarıhı murasynan kórme ótkizý óner álemindegi eleýli oqıǵa bolatyny anyq.
Kórme maqsaty: mýzeı jádigerlerin ımmersıvti tehnologııalardyń súıemeldeýimen qazaq memlekettiliginiń ǵasyrlar boıy damýynyń tarıhı-órkenıetti bastaýlaryna, qazaq halqynyń mádenı kodynyń sabaqtastyǵy men biregeıligine erekshe nazar aýdara otyryp, Eýropa jáne fransýz jurtshylyǵyna Qazaqstan mádenıetiniń kópǵasyrlyq tarıhy men baı qazynasyn kórsetý.
Ekspozısııada Qazaqstan tarıhynyń negizgi kezeńderin (b.z.d. III myńjyldyqtan XVIII ǵasyrǵa deıin) sıpattaıtyn 35 sırek artefakt usynylǵan.
Ekspozısııa 5 bólimnen turady:
– Tobyl oıshyly, Botaı mádenıeti jáne jylqyny qolǵa úıretý;
– Altyn Adam. Alǵashqy saq memleketteriniń paıda bolýy;
– Tas músin (Balbal). Túrki bıligi kezeńindegi ortaǵasyrlyq Qazaqstan;
– Qoja Ahmet Iаsaýı kesenesiniń shyraǵdandary. Islamnyń damýy;
– Qazybek bıdiń shapany. Qazaq handyǵy jáne búgingi Qazaqstannyń paıda bolýy.
Ashylý saltanatyna Qazaqstan men Fransııanyń kórnekti memlekettik saıası qaıratkerleri, dıplomatııalyq korpýs, mádenıet jáne óner ókilderi, ǵylymı jáne stýdenttik qoǵamdastyq, Eýropadaǵy qazaq dıasporasy qatysady.
Kórme 2025 jyldyń 24 naýryzyna deıin jalǵasady.