Memleket basshysynyń bastamasymen qolǵa alynǵan «Taza Qazaqstan» ekologııalyq aksııasy aıasynda Almaty oblysynda tuqym jınaý aptalyǵy ótkizildi.
Oblys ákiminiń tapsyrmasyna sáıkes uıymdastyrylǵan bul is-sharaǵa 2000-nan astam adam qatysty. Olardyń qatarynda orman sharýashylyǵy qyzmetkerleri, belsendi jastar, jergilikti turǵyndar, mektep oqýshylary men kolledj stýdentteri boldy.
Almaty oblysynyń tabıǵı resýrstar jáne tabıǵatty paıdalanýdy retteý basqarmasynyń bastamasymen «Baqanas orman sharýashylyǵy» mekemesiniń aýmaǵynda qara sekseýil aǵashynyń 2000 kılo tuqymy jınaldy. Sonymen qatar aptalyq aıasynda oblys kóleminde ornalasqan orman sharýashylyǵy mekemeleri men aýdan turǵyndary, belsendi jastar, mektep oqýshylarynyń atsalysýymen jıde, shrenk shyrshasy, qaıyń aǵashtarynyń 350 kıloǵa jýyq tuqymy jınaldy.
Aksııa tabıǵı resýrstardy qorǵaýǵa, ekologııalyq jaýapkershilikti arttyrýǵa baǵyttalǵan. Is-shara nátıjeleri ekologııalyq mádenıetti qalyptastyrýǵa oń áserin tıgizetini sózsiz.
Almaty oblysy