Týrızm jáne sport mınıstrligi sport túrleriniń irikteý júıesin ózgertý týraly zań jobasyn ázirledi, dep habarlaıdy Egemen.kz.
Týrızm jáne sport mınıstrligi «Qazaqstan Respýblıkasynyń keıbir zańnamalyq aktilerine dene shynyqtyrý jáne sport, sondaı-aq normalardyń artyq (shamadan tys) zańnamalyq reglamenttelýin bolǵyzbaý máseleleri boıynsha ózgerister men tolyqtyrýlar engizý týraly» zań jobasyn ázirledi. ⠀
Qujatta elimizdiń sport salasynda jańa irikteý júıesin engizý qarastyrylǵan. Zań jobasyna sáıkes, basym sport túrleri olardyń álemdik reıtıngteri negizinde emes, Olımpıada, Paralımpıada, Sýrdlımpıada, Azııa jáne Para Azııa oıyndarynda ulttyq qurama komandalarynyń kórsetken nátıjeleri boıynsha irikteletin bolady. ⠀
Bul ózgeris Qazaqstannyń sporttyq quramalaryn daıyndaýdaǵy basymdyqtardy naqtylaıdy jáne halyqaralyq deńgeıdegi nátıjelerge negizdelgen júıeni qalyptastyrýǵa múmkindik beredi. Osylaısha, elimizdiń sportshylaryn halyqaralyq arenalarda básekege qabiletti etý úshin naqty jáne nátıjege baǵyttalǵan saıasat júzege asyrylmaq. ⠀
«Bul zań jobasy sport salasyndaǵy jańashyldyqtardy engizýdi, tıimdilikti arttyrýdy jáne Qazaqstannyń sporttyq quramasynyń halyqaralyq jarystarda joǵary nátıjeler kórsetýin qamtamasyz etýge baǵyttalǵan. Biz Olımpıada, Paralımpıada, Sýrdlımpıada, Azııa jáne Para Azııa oıyndaryndaǵy nátıjelerdi basty baǵdar retinde alyp, elimizdiń sport salasyn jańa deńgeıge kóterýdi kózdep otyrmyz», dedi Týrızm jáne sport mınıstri Erbol Myrzabosynov.Mınıstrdiń aıtýynsha, atalyp otyrǵan zań jobasynyń qabyldanýy sportty damytý júıesin jetildirip, Qazaqstannyń álemdik sport arenasynda ozyq jetistikterge qol jetkizýin qamtamasyz etedi.