Toptamalyq aqparatty sala mınıstrligi jarııalady. Sporttyń 6 túrinen otandastarymyz jeńis tuǵyrlarynan kórindi, dep jazady Egemen.kz.
Short-trek: Italııanyń Bormıo qalasynda short-trekten Alta Valtellina Trophy halyqaralyq jarysynda Qazaqstan quramasy 2 altyn, 1 kúmis medal jeńip aldy.
Mánerlep syrǵanaý: Qytaıdyń Chýnsın qalasynda Gran-prı týrnırinde Mıhaıl Shaıdorov kúmis júldeger atandy. Ol byltyr osy jarystyń qola júldegeri atanǵan edi.
Semserlesý: Kanadanyń Vankýver qalasynda ótken semserlesýden Álem kýboginde Qazaqstan erler quramasy qola júldege qol jetkizdi.
Para dzıýdo: Astanada ótken halyqaralyq Grand Prix týrnırinde qurama sportshylary 14 medal (6 altyn, 4 kúmis, 4 qola) oljalap, jalpykomandalyq esepte birinshi orynǵa ıe boldy.
Tennıs: Jibek Qulambaeva Portýgalııanyń Lozada qalasynda ótken ITF W35 týrnıriniń juptyq synynda chempıon atandy. Jerlesimiz Belarýs ókili Iýlııa Hatýkamen birge jup qurap, fınalda reseılik Polına Iаsenko men belgııalyq Hanne Vandevınkelden 6:3, 1:6, 10:4 esebimen basym tústi.
Estetıkalyq gımnastıka: Estonııanyń Tartý qalasyndaǵy estetıkalyq toptyq gımnastıkadan álem chempıonatynda sportshylarymyz 2 qola medal enshiledi.