Syrdarııa aýdanyndaǵy A.Toqmaǵanbetov, S.Seıfýllın aýyldary gaz jelisine qosyldy. Aýdanǵa saparmen barǵan oblys ákimi Nurlybek Nálibaev turǵyndardy quttyqtap, alda atqarylatyn jumys týraly baıandady.
О́ńir turǵyndaryn gazben qamtýdyń qazirgi kórsetkishi 75% bolyp tur. Bıyl 30 mlrd teńgeden asa qarjyǵa 306 shaqyrym gaz jelileri tartylyp, osy kórsetkish 78 paıyzǵa jetedi.
«Memleket basshysy aýyldy keshendi túrde jetildirip, zamanaýı ınfraqurylymdy damytý kerektigine basa mán berip otyr. Osy mindet aıasynda keler jyly taǵy onnan asa eldi mekendi gazdandyrý josparda bar. Bul aýyl tirshiliginiń tamyryna qan júgirtip, halyqtyń ál-aýqatyn arttyrýǵa jol ashady. Byltyr ǵana Syrdarııa aýdanynyń bıýdjeti 12 mlrd teńge bolsa, qazir 16 mlrd 108 mln teńgege jetip, aýdan halqy úshin ózekti máselelerdi sheshý múmkindigi molaıdy», dedi oblys basshysy.
Aımaq basshysynyń turǵyndarmen kezdesýinde óńirde júzege asyp jatqan ınfraqurylymdyq jobalar týraly aıtylyp, aýyl jurtshylyǵy atqarylǵan jumys úshin alǵysyn jetkizdi.
Qyzylorda oblysy,
Syrdarııa aýdany