Jıhaz «Beren» brendimen tanymal

Zaýyttyń ónim óndirý qýa­ty aıyna 6 000 dana daıyn jı­haz jasaý. О́nimderi eli­­mi­zdiń barlyq aımaǵyna saty­lymǵa shyǵarylady. Na­ryq­qa «Beren» brendimen taralatyn otandyq jıhazdyń joǵary sapaǵa ıe bolaryna esh kúmán joq. Zaýyttyń iske qosylýyna «NAT Invest» JShS tarapynan 250 mln teńge jeke ınvestısııa tartylǵan. Sondaı-aq óndiris orny Qytaıdan alynǵan eń sońǵy úlgidegi óner­kásiptik jabdyqtarmen jab­dyqtalǵan. Zaýytta eńbek etetin jumysshylarǵa barlyq jaǵdaı jasalǵan. Munda endi turaqty túrde 30 jazasyn óteýshi eńbek etip, áleýmettik qoldaýlarǵa ıe bolmaq.

Zaýyttyń ashylý saltanatynda Almaty jáne Jetisý oblystary boıynsha qylmystyq-atqarý júıesi departamenti bastyǵynyń orynbasary M.Sabyrov, «Ama­nat» partııasy oblystyq fılıa­lynyń atqarýshy hatshysy E.Jaqypov, Almaty oblysy boıynsha mekemelerde qylmystyq jazalardyń oryndalýyn qadaǵa­laý jáne zańdylyǵy jónin­degi maman­dandyrylǵan proký­ro­rynyń ókili D.Balǵabek sóz sóı­lep, jazasyn ótep júrgen­derdi eńbekke tartý, olardyń bolashaqtaǵy ómirine oń áserin tıgizetinin alǵa tartty. «Jazasyn óteýshilerdiń eńbekke aralasýy – ýaqyttaryn tıimdi ótkizýmen qatar, jıhaz jasaýdaǵy sheberlikterin shyńdap, kásipti ıgerýine septigin tıgizetin bolady.

Túzeý mekemesindegi maman­dardyń sózinshe, onda 33 jeke kásiporyn jumys isteıdi. Atalǵan kásiporyndarda 600-ge taıaý jazasyn ótep jatqan azamat eńbek etedi. Olarǵa 85 myń teńge kóleminde jalaqy beriledi. Qatań kúzetiletin aımaqta ornalasqan ǵımarattar tegin berilip, arzan jumys kúshimen qamtylady. Sondyqtan túrmede óndiristik nysan ashý kásipkerler úshin tıimdi ekendigi tilge tıek boldy. Jazasyn óteýshiler tapqan tabysy esebinen memleket nemese jeke tulǵalar aldyndaǵy qaryzyn qaıtarady. Mundaı múmkindik olardyń jazasyn jeńildetýmen qatar, bostandyqqa shyǵý merzimin jaqyndata túsedi.

Almaty oblysy