Túrkııanyń ońtústigindegi Antalıa qalasynda 4,8 baldyq jer silkinisi tirkeldi, dep habarlaıdy Egemen.kz.
Tabıǵattyń tosyn minez tanytýy keshe túnde Ankara ýaqytymen caǵat 22:13-te (Astana ýaqytymen 00:13) Antalıa provınsııasynda boldy.
Túrkııa úkimetiniń Tabıǵı apattardyń aldyn alý jáne saldaryn joıý basqarmasynyń (AFAD) habarlaýynsha, jer silkinisiniń oshaǵy Jerorta teńiziniń jaǵalaýǵa jaqyn aımaǵynda ornalasqan. Onyń tereńdigi shamamen 35 shaqyrymdy qurady.
Qurban bolǵandar men qıraǵan ǵımarattar týraly aqparat túsken joq. Jer silkinisi kýrorttyq aımaqtarda, ásirese jerasty dúmpýleri qatty sezilgen jaǵalaýdaǵy aýdandarda jergilikti turǵyndar men qonaqúı qonaqtaryn alańdatty. Bılik azamattardy sabyr saqtaýǵa jáne resmı habarlamalardy baqylap otyrýǵa shaqyrdy.
Mamandar jaǵdaıdy baqylaýda ustap otyr, qutqarýshylar men tótenshe jaǵdaılar qyzmeti yqtımal jer silkinisi nemese aftershok bolǵan jaǵdaıda joǵary daıyndyq jumystaryn júrgizdi.