«Samuryq-Qazyna» qoldaýymen erekshe qajettiligi bar jastar IT mamandyqtaryn meńgerdi

Qatysýshylar úsh baǵyt boıynsha sıfrlyq maman­dyq­tarǵa oqydy: No Code əzirleý, UX/UI design, ja­can­dy sana (AI) mamany. Nətıjesinde, bilim alý­shy­­larǵa kýrsty sətti aıaq­ta­ǵa­ny týraly sertıfıkat beri­lip, 10 úzdik jobanyń avtory ÚEU-dan 100 000 teńgege deıingi kommersııalyq tap­­syrystar aldy. Tıisti dəris­ter osy jyldyń shilde aıynda bastalǵany aıan. Osylaısha, elimizdiń túkpir-túkpirinen 1800 ótinish túsip, onyń ishinen 18 ben 35 jas aralyǵyndaǵy 180 adam iriktelip alyndy. Olardyń basym bóligi – stýdentter, ərtúrli toptaǵy múgedektigi bar jandar.

Jobaǵa qatysýshylardyń aıtýynsha, atalǵan joba olarǵa suranysqa ıe sıfr­lyq kəsipterdi meńgerýmen qatar, ómirde óz jolyn tabýǵa tamasha múmkindik beredi. Oqýshylar baǵdarlamanyń arqasynda ózderine degen senimniń artqanyn, təjirıbelik daǵdylar budan əri jumysqa ornalasýǵa jol ashqanyn aıtady.

«Jobaǵa qatysý bizge UX/UI dızaıny salasyndaǵy suranysqa ıe daǵdylardy meńgerip qana qoımaı, sonymen qatar óz qabiletimizge degen senimdi arttyrýǵa múmkindik berdi. О́z basym kəsibı ósýge jáne tabysty jumysqa ornalasýǵa múmkindik beretin qundy təjirıbe jınadym. Bul baǵdarlama óz qabiletimdi iske asyrý, mansaptyq maqsat­taryma jetý jolyndaǵy mańyzdy qadam boldy», deıdi Jambyl oblysynan jobaǵa qatysýshy Dına Smatlda.

Lagerdiń ashylýynda «Samuryq-Qazyna» qory­nyń basshysy Nurlan Jaqypov məlimdegendeı, kýrs qatysýshylaryna qor­daǵy kompanııalar tobyna jumysqa ornalasýǵa kómek kórsetiledi.

Marapattaý rəsiminde qordyń basqarýshy dırektory Ǵıbrat Aýǵanov qazirgi ýaqyt­ta qorda úsh myńǵa jýyq erek­she qajettiligi bar qyz­metker jumys istese, tek sońǵy 10 aıda 447 adam jumysqa ornalasqanyn jet­kizdi. Ol qor tarapynan erekshe qajettiligi bar adamdarǵa qoldaý kórsetý jalǵasatynyn atap ótti.

Igi isti qordyń biryńǵaı qaıyrymdylyq operatory «Samruk-Kazyna Trust» KQ «Shell» kompanııasymen, «IteachMe» qorymen birlesip júzege asyryp jatyr.

Aldabergen KEMPIRBAI