Qaraǵandy qalasynda eki adamdy óltirgen turǵyn qylmystan keıin alkogolden ýlanyp qaıtys boldy. Oqıǵa Erjanov kóshesindegi páterde bolǵan, dep habarlaıdy Egemen.kz.
«Úsh er adam páterde birge demalyp, spırttik ishimdik ishken. Sol kezde olardyń arasynda janjal týyndap, er adamdardyń biri eki dosyn, sonyń ishinde páter ıesin óltirgen. Qylmys jasaǵannan keıin ol esikti ishinen qulyptap, oqıǵa ornynan qashyp ketken», delingen materıalda.
Marqumdardyń denesi páterde bir apta boıy bolǵan. Kórshilerdiń kúdigi týyndap, olar polısııaǵa habarlasqan. Oqıǵa ornyna kelgen Mıhaılov aýdandyq polısııa bólimi qyzmetkerleri esikti buzyp ashyp, zorlyqpen óltirilgen eki adamnyń denesin tapqan.
«Tergeý barysynda polıseıler úshinshi adamnyń kim ekenin anyqtap, ony Potanın kóshesindegi úıinen tapqan. Alaıda, olar kelgen kezde kúdikti úıinde óli kúıinde bolǵan. Aldyn ala málimet boıynsha, er adam sapasyz alkogolden ýlanǵan. Quqyq qorǵaý organdarynyń habarlaýynsha, eki adamnyń ólimine baılanysty qylmystyq is kúdiktiniń qaıtys bolýyna baılanysty toqtatylady», dep jazylǵan materıalda.