Oblystyq prokýratýranyń úılestirýimen 1 jeltoqsanda Almaty oblysynda ornalasqan esirtki zerthanasy anyqtaldy, dep habarlaıdy Egemen.kz Bas prokýratýranyń baspasóz qyzmetine silteme jasap.
Esirtki zattary men olardy óndirýge arnalǵan qural-jabdyqtar tárkilengen.
«23 qarashada Qostanaı oblysynan esirtki satýǵa kelgen tulǵalar ustaldy. Aqtóbe oblysynan saýda arnasy toqtatyldy. Úılestirý keńesinen keıin barlyǵy 50-den astam sotqa deıingi tergep-tekserý bastalyp, 4 fıtolaboratorııa anyqtaldy», delingen habarlamada.
Sonymen qatar «Nashaqorlyqqa jol joq» jobasy aıasynda 350-den astam esirtki jarnamasy joıylǵan.
Esterińizge sala keteıik, 29 qazanda Batys Qazaqstan oblysynyń prokýratýrasymen esirtkige qarsy is-qımyl máseleleri boıynsha zańdylyqty, quqyqtyq tártipti jáne qylmyskerlikke qarsy kúresti qamtamasyz etý jónindegi Úılestirý keńesiniń otyrysy ótkizilgen edi.