Ulttyq qundylyqtardy baǵalaý, nasıhattaý – elge mindet. Osy oraıda Jańaózen qalasynyń kireberisine bıiktigi – 10, eni 4 metr bolatyn «Dombyra» ınstallıasııasy ornatyldy. Bul nysan tartymdy oryn ǵana emes, qala kórkin arttyrý, ulttyq murany qurmet tutý, qazaqtyń úni men asyl dúnıesin jan-jaqty nasıhattap, jas urpaqtyń sanasyna sińirý baǵytynda mańyzdy oryn.
«Dombyra – bizdiń tarıhymyz, ulttyń úni. Ata-babamyz ishki kúızelisin de, qýanyshyn da dombyramen jetkizgen. Kelinniń betin de ulttyq aspappen ashqan. Biz Jańaózendi qaımaǵy buzylmaǵan salt-dástúr men mádenıettiń oshaǵy, bilim men órkenıettiń qalasy ekenin kórsetkimiz keldi», deıdi Jańaózen qalalyq turǵyn úı-kommýnaldyq sharýashylyq jáne turǵyn-úı ınspeksııasy bóliminiń basshysy Ádilet Sámı.
Qazirgi ýaqytta ınstallıasııa aýmaǵyna qosymsha jaryq shamdar qoıylyp, abbattandyrylyp jatyr. Halqymyzben birge jasap kele jatqan tól aspabymyz – dombyraǵa qalaı qurmet kórsetsek te artyq emes, sondyqtan Jańaózen kireberisindegi art-obekt halyqtyń kóńilinen shyǵady dep oılaımyz.
Mańǵystaý oblysy