О́render beldesti

Jarystyń saltanatty ashylýynda Parıj Olımpıadasynyń kú­mis júldegeri Demeý Jadyraev pen Beıjiń Olımpıadasynyń kúmis júldegeri Nurbaqyt Te­ńizbaev bozkilemde beldesetin jas sportshylardyń jarysyna sáttilik tilep, merekemen quttyqtady.

«Salamatty ómir saltyn qalyptastyryp, ult densaýlyǵyn nyǵaıtýdaǵy basty mindet –  balalardy júıeli deneshynyqtyrý, sportpen shuǵyldanýǵa baryn­sha tartýymyz qajet. Ja­rys­tardyń jıi ótkizilýiniń ná­tıjesinde sporttyń ár túrimen aınalysýǵa talpynǵan balalar kóbeıip, olardyń sportqa qyzyǵýshylyǵy artyp keledi. Búgingi jas sportshylar erteńgi úlken sport álemine alǵashqy qadamdaryn jasap jatyr. Bu­lardyń qatarynan da Demeý Jadyraev, Azamat Dúmbirov, Bekjan Myrzalıev syndy chempıondar shyǵaryna senemiz. Dúbirli dodaǵa tipti kórshiles Qyrǵyzstannan da balýandar kelgeni qýantady. Halyqaralyq arenalarda elimizdiń abyroıyn asqaqtatý úshin sport seksııalaryna ata-analar balalaryn kóbirek jiberse, nur ústine nur bolady», dedi Kegen aýdanynyń ákimi N.Teńizbaev.

«Sportshylardy jeńiske jetkizetin – eńbekqorlyq. Joǵary daıyndyq pen ynta-jiger bolsa, alynbaıtyn qamal joq. Bala kezimde Olımpıada chempıondary men basqa da ataqty sportshylarǵa qarap, solar sııaqty bolýǵa umtylatynmyn. Bala­lardyń bizge de solaı qaraı­tynyna qýanyshtymyn, dán rızamyn», dedi D.Jadyraev.

Tartysty básekege barlyǵy 16 komanda, 350-den asa balýa­n qatysty. Eki kúnge sozylǵan ja­rystyń nátıjesinde óz sal­maq dárejelerinde Talǵar óńirinen kelgen Qýanysh Nur­asyl, Dáý­let Ernur, Talǵat Nur­álim, Meı­rambek Mansur je­ńimpaz atandy. Sondaı-aq Kegen aýdandyq sport mekte­biniń tárbıelenýshileri Baı­qurman Ramazan, Baqıqoja Ibragım, Qarasaı aýdanynan qatysqan Orynbaı Meıirjan, Qyrǵyzstannan kelgen Sultan Beıshebaev, almatylyq Kım Rol­lan úzdik dep tanyldy.

Almaty oblysy