Aýyl sharýashylyǵy óndirisiniń damý deńgeıi otandastyrymyzdyń basym bóliginiń ál-aýqatyna tikeleı áser etedi. Al búginde halyqtyń 37%-dan astamy aýyldyq jerlerde turady, dep jazady Egemen.kz.
580 mlrd teńge aqtaldy ma?
Prezıdent tapsyrmalaryn oryndaý sheńberinde agroónerkásip keshenin (AО́K) qarjylandyrýdyń qoljetimdiligi qamtamasyz etildi. Jeńildikti qarjylandyrý kólemi bıyl alǵash ret rekordtyq soma – 580 mlrd teńgeni qurap, atalǵan soma – eginshilerge tikeleı nesıe berýge, paıyzdyq mólsherlemeni tómendetip, forvardtyq satyp alýǵa baǵyttaldy. Osylaısha, kóktemgi egis jáne kúzgi jıyn-terim jumystaryn tabysty júrgizýge qajetti barlyq jaǵdaı jasaldy.
Dıqandar dándi daqyldardan rekordtyq ónim jınady
Respýblıka eginshileri dándi daqyldar boıynsha rekordtyq kólemde ónim jınady: ortasha ónimdilik gektaryna 16,1 sentner, 26,7 mln tonna astyq bastyryldy. (Salystyrý úshin aıtqanda, 2023 jyly ortasha ónimdilik 10 s/ga quraǵan). Sonymen qatar 3,2 mln tonna maıly daqyl (ónimdilik 10,9 s/ga), 2,9 mln tonna kartop, 3,9 mln tonna kókónis jáne 2,6 mln tonna baqsha daqyldary jınaldy. Agrotehnologııalardy durys qoldaný, sapaly tuqymdar, mıneraldy tyńaıtqyshtar, ósimdikterdi tıimdi qorǵaýdyń nátıjesinde joǵary ónimdilikke qol jetkizildi.
Daqyldardy ártaraptandyrý jumysy jalǵasady
Negizgi artyqshylyqtardyń biri – keń baıtaq aýmaq, halyq tyǵyzdyǵynyń tómendigi jáne úlken aýyl sharýashylyǵy jerleriniń bolýy. Respýblıkada óndiristi suranysqa saı bolýyn qamtamasyz etý, sondaı-aq ósiriletin daqyldardyń bıologııalyq qajettilikterin jergilikti agroklımattyq jáne tabıǵı jaǵdaılarǵa neǵurlym kóbirek sáıkestendirýge baǵyttalǵan aýyl sharýashylyǵy daqyldaryn ártaraptandyrý boıynsha sharalar qabyldanyp jatyr.
Aıta ketsek, Memleket basshysynyń tapsyrmasy boıynsha 2025 jylǵa arnalǵan kóktemgi egis jáne kúzgi jıyn-terim jumystaryn qarjylandyrý bastalyp ketti.