Qytaıdyń soltústik-batysyndaǵy Sınhaı provınsııasynda 5,5 baldyq jer silkinisi boldy, dep habarlaıdy Egemen.kz Sınhýa agenttiginiń baspasóz qyzmetine silteme jasap.
Sınhaıda jer silkinisi 8 qańtarda Beıjiń ýaqytymen 15:44-te boldy. Jerasty dúmpýleri Sınhaı provınsııasynyń Gýolo-Tıbet avtonomııalyq prefektýrasynyń Madýo okrýginde tirkelgen.
Qytaıdyń seısmologııalyq jeli ortalyǵynyń málimetinshe, jer silkinisiniń oshaǵy soltústik endiktiń 34,79 gradýsy men shyǵys boılyqtyń 97,51 gradýsynyń koordınatasynda ornalasqan. Gıposentr 14 km tereńdikte jatqan.
Esterińizge sala keteıik, 7 qańtarda Sıszan avtonomııalyq aýdany Shıgadze qalasynda bolǵan jer silkinisi saldarynan 126 adam qaza taýyp, 180-nen astamy jaraqat alǵan.