Qazaqstannyń jas talantty ánshisi Erjan Maksım Sanremo best song 2025 Dubai án baıqaýynyń bas júldesin jeńip aldy, dep habarlaıdy Egemen.kz.
17 jastaǵy oraldyq ónerpaz óziniń Instagram paraqshasynda qýanyshty jańalyǵymen bólisti.
«Halyqaralyq án baıqaýynda jeńiske jetý men úshin mártebe boldy. Eńbegimdi baǵalap, qoldap kele jatqan qazaq halqynyń aldynda erekshe sezimmen bas ıemin», dep jazdy Erjan Maksım.
Jas ánshi jeńisin ata-anasyna, otbasy men dostaryna, ustazdary men dostaryna arnady.
Buryn habarlanǵandaı, Erjan Maksım 2007 jyly Oral qalasynda dúnıege kelgen. Ol tórt jasynda án aıta bastady. 6 jasynda vokal sabaǵyna qatysa bastady. Erjan kóptegen baıqaýlardyń jeńimpazy.
2016 jyly Erjan Maksım Batýmıde ótken Dolphin Fest festıvalinde bas júldeni jeńip aldy.
2016 jyldyń jeltoqsan aıynda ol Latvııada ótken osyndaı jarysqa birneshe nomınasııalar boıynsha qatysyp, eki altyn jáne bir kúmis medal jeńip aldy.
2017 jyly Vıtebsk qalasynda ótken «Slavıan bazary» halyqaralyq baıqaýynda ekinshi oryndy jeńip aldy.
2017 jyldyń 3 mamyrynda ol Italııada ótken San Remo junior festıvalinde óner kórsetip, sımfonııalyq orkestrmen jandy daýysta án shyrqady. Italııada Erjan fınalıst atandy.
2019 jyly ol «Junior Eurovision» halyqaralyq án baıqaýynyń fınalısti atandy.
2019 jyly «Bala daýysy» baıqaýynyń 6-shy maýsymynda jeńimpaz boldy.
2023 jyly Erjan Maksım Makedonııanyń astanasy Skopede ótken álemdik WAF Contest baıqaýynyń Gran-prı júldesin jeńip aldy.