Májilis depýtaty Gaýhar Tanasheva Parlamentten ketti, dep habarlaıdy Egemen.kz.
Tanashevanyń oryndyǵyn bosatqany jóninde áýeli Ortalyq saılaý komıssııasy aqparat taratty.
«Qazaqstan Halyq partııasy bıýrosynyń 2024 jylǵy 23 jeltoqsandaǵy № 27 qaýlysynyń negizinde Gaýhar Shaımerdenqyzy Tanasheva Qazaqstan Respýblıkasy Parlamenti Májilisiniń depýtaty ókilettigin joǵaltty dep tanylsyn», delingen komıssııa qaýlysynda.
Ulysmedia.kz tilshisi Gaýhar Tanashevanyń Parlamentten ketýine ne túrtki bolǵanyn bilý úshin oǵan qońyraý shaldy, alaıda onyń uıaly telefony óshirýli bolǵan.
Gaýhar Tanasheva 2024 jyly 25 jeltoqsanda, ıaǵnı byltyr ózi qatysqan Parlament Májilisiniń sońǵy otyrysynda: «Halqyn aıamaıtyn Úkimetten turatyn memleketpiz, bul taktıkany ózgertpeı damyǵan memleketterdiń qataryna kirmeımiz.Adamdar ómir súrý úshin kúres pen turaqsyzdyq rejıminde balalardy qalaı tamaqtandyramyn, qaryzdy qalaı jabamyn degen qorqynyshpen júr. О́ıtkeni halyqtyń 80 paıyzy nesıe alyp ómir súrip jatyr. Mundaı jaǵdaıda balalardy qandaı patrıot qylyp ósiremiz?», dep málimdegen edi.
Májilis depýtatynyń bos mandaty «QHP» Qoǵamdyq birlestiginiń múshesi Asylbek Jamashuly Nuralınge berildi.