Búgin Májiliste Antıkor tóraǵasynyń birinshi orynbasary Ulan Sarqulov sybaılas jemqorlyqqa qarsy is-qımyl máseleleri boıynsha zańǵa engiziletin ózgeristerdi baıandady, dep jazady Egemen.kz.
Ulan Sarqulovtyń aıtýynsha, sybaılas jemqorlardyń jarııa tizimi jasaqtalady. Ol agenttik bul qadamǵa qoǵamdaǵy «barmaq basty, kóz qysty» áreketterge toqtaý salý úshin baryp otyrǵanyn túsindirdi. Zań qabyldanǵanda mundaı «qara tizimge» aýyr, asa aýyr deńgeıde sybaılas jemqorlyq boıynsha sottalǵandardyń aty-jóni engiziledi. Málimetter zańdy kúshine engen aıyptaýlar negizinde ázirlenedi.
«Bul - profılaktıkalyq qural. О́zgeris qoǵam bolyp mundaı qylmysqa qarsy turýdy kózdeıdi. Tizimnen zańdy kúshine engen aqtaý, aıypty túzetý mekemelerinde óteý merzimi aıaqtalǵandardyń derekteri shyǵarylady. Tizim sybaılas jemqorlyqqa qarsy is-qımyl agenttiginiń saıtynda jarııalanady», dedi Ulan Sarqulov.