Tabıǵı parkterdegi ańdar qys aılarynda qosymsha azyqtandyrylady, dep jazady Egemen.kz.
Qosymsha azyqtandyrý – ásirese qys mezgilinde qolǵa alynady. Sýyq ári uzaq qys aılarynda qar qalyń túskende ańdar shoǵyrlanatyn aýmaqtarǵa shópter, tuzdar salynyp otyrady.
Atalǵan jumystar Qarqaraly memlekettik ulttyq tabıǵı park aýmaǵynyń barlyq ormanshylyǵynda (4 ormanshylyq boıynsha) jasalady. Daıyndalǵan shópter jabaıy janýarlardyń qysta ashyǵyp qalmaýyna zor yqpal etedi. Bıotehnıkalyq is-sharalardy júrgizýge mekeme boıynsha arnaıy jospar jasalynyp, ańdarǵa kútim jumystary turaqty júrgizilip otyrady.
Qarqaraly MUTP Taý ormanshylyǵynyń memlekettik ınspektorlary «Shoqpartas» kardonynyń aınalymynda ańdarǵa qosymsha azyqtandyrý jumystaryn júrgizedi.