Ystanbulda sapasyz ishimdik iship, ýlanyp qalǵandar sany kúnnen-kúnge artyp jatyr, dep habarlaıdy Egemen.kz.
Jergilikti bılik sońǵy 72 saǵatta ishimdikten ýlanýdyń 80 oqıǵasy tirkelgenin habarlady. Oqıǵa saldarynan qaza tapqandar sany 30-ge jetken. Qala aýrýhanalarynda 49 adam emdelip jatyr, onyń 31-i sapasyz ishimdikten ýlanyp, jansaqtaý bóliminde jatyr.
Tekseris barysynda ishimdik ónimderi naqty qaı jerde satylǵany anyqtalǵan. Belgili bolǵandaı, Ystanbuldyń Bashakshehır aýdanynda kádimgi aýyz sý atyn jamylǵan «Túrkimen ashanasy» jalǵan ishimdik bótelkelerin 30 túrik lıramen (shamamen 455 teńge) satqan. Ýly ishimdikti zańsyz satý nátıjesinde dámhananyń jumysy toqtatylyp, úı-jaılary mórlengen.
Buǵan deıin Ystanbulda sertıfıkaty joq ishimdik iship, birneshe kún ishinde 19 adam qaıtys bolǵan edi. Sondaı-aq oqıǵa saldarynan 65 adam ýlaný belgilerimen aýrýhanaǵa jatqyzylǵan.