Stepnogorsk qalasynda О́zbekstan Respýblıkasy Navoı oblysy IID memleketaralyq izdeýde júrgen qylmysker ustaldy, dep habarlaıdy Egemen.kz Aqmola oblysynyń PD baspasóz qyzmetine silteme jasap.
Jedel ýákilderdiń málimetinshe, kúdikti 2014 jyldan beri Qazaqstanda jasyrynyp júrgen, biraq resmı túrde esh jerde jumys istemegen.
Qazirgi tańda polısııa barlyq qajetti tergeý sharalaryn júrgizip jatyr. Er adam Stepnogorsk qalalyq IIB ýaqytsha ustaý ızolıatoryna qamalǵan.
«Ustalǵan kórshi eldiń azamaty bolǵandyqtan, sottalýshyny О́zbekstan Respýblıkasyna ekstradısııalaý máselesi qarastyrylyp jatyr», delingen habarlamada.
Esterińizge sala keteıik ótken jyldyń ózinde Aqmola oblysynyń polısııa qyzmetkerleri 61 qylmyskerdi ustaǵan.