Sıetldiń aýdandyq soty Donald Tramptyń AQSh-ta ómirge kelgen balalarǵa azamattyq berýdi shekteıtin jarlyǵynyń kúshin ýaqytsha toqtatty. 22 shtat, sondaı-aq San-Fransısko qalasy men Kolýmbııa okrýginiń bas prokýrorlary Tramptyń jarlyǵyna tosqaýyl qoıýdy talap etip, sotqa shaǵym túsirgen, dep habarlaıdy Egemen.kz DW basylymyna silteme jasap.
Sot sheshimi Vashıngton, Illınoıs, Oregon jáne Arızona Shtattarynyń ókilderiniń talabyn qanaǵattandyrdy, olar bul Jarlyq AQSh Konstıtýsııasynyń 1868 jyly qabyldanǵan 14-shi túzetýin buzdy dep málimdegen.
Esterińizge sala keteıik, buǵan deıin Tramp týý quqyǵy boıynsha azamattyq alýdy shekteıtin Jarlyqqa qol qoıǵan bolatyn. Jarlyq federaldy agenttikterdiń AQSh azamattaryna elde zańsyz júrgen ata-anadan týylǵan nemese analary AQSh-ta ýaqytsha turatyn balalarǵa arnalǵan qujattardy berýine tyıym salady.
Buqaralyq aqparat quraldary 30 kúnnen keıin kúshine enetin bul qadam sotta daý týdyrýy múmkin ekenin atap ótti, óıtkeni bul AQSh Konstıtýsııasynyń 14-shi túzetýine qaıshy keledi. Osyǵan baılanysty quqyq qorǵaýshylar AQSh prezıdentiniń ákimshiligin sotqa bergen.