Almaty «Kıberpoly» otandyq zańdy tulǵalardyń qatysýymen bolatyn alaıaqtyqtyń jańa túri paıda bolǵanyn eskertti, dep habarlaıdy Egemen.kz.
Ishki ister mınıstrligi usynǵan aqparatqa sáıkes, bul alaıaqtyqqa kóbinese shetelden kelgen adamdar jetekshilik etedi, olar qazaqstandyq jeke kásipkerler men jaýapkershiligi shekteýli seriktestikterdi óz isin dáleldi etý úshin paıdalanady.
«Qaskóıler jomart syıaqy beremin dep adamdy óz atynan kompanııa ashýǵa jáne ony jalǵa berýge kóndiredi. Sonymen qatar zańdy tulǵanyń ıesi ózin alaıaqtyq tizbekke aralastyryp jatyr dep kúdiktenbeýi de múmkin», delingen habarlamada.
Sonymen qatar polısııa qyzmetkerleri jeke kásipkerlikti jáne jaýapkershiligi shekteýli seriktestikti úshinshi tulǵalarǵa jalǵa bermeýdi surady.
«О́ıtkeni jalǵa alynǵan JK men JShS-ni qylmystyq maqsatqa paıdalaný derekteri jıilep barady. Áıtpese, qylmystyq jaýapkershilikke tartylýyńyz múmkin. Sondaı-aq sizden keltirilgen materıaldyq zalaldy azamattyq is júrgizý tártibimen óndirilýi múmkin», dedi Almaty qalalyq PD kıberqylmysqa qarsy kúres basqarmasynyń bastyǵy.