Ulybrıtanııa ulttyq mýzeıiniń jádigerler toptamasynda saqtaýly turǵan bul sáýkele halqymyzdyń sanǵasyrlyq kıim mádenıetiniń ózgesheligin, basqa halyqtardan dara ekenin dáleldep turǵany sózsiz.
Atalǵan jádiger 1926 jyly Jetisý jerinen satyp alynyp, Mıssıs T.Kallın esimdi azamattyń kómegimen mýzeıge tapsyrylǵan. Matadan (maqtadan) tigilip, kıizben aıshyqtalǵan, altyn-kúmisten áshekeı salynyp, injý-marjandarmen kómkerilgen bul baskıim qaı eldiń kórmesinde tursa da, sáýletin asyratynyna talas joq.
Jádigerdiń túsindirmesinde «Qyrǵyz ben qazaq qyzdary úılený toıy kúni nemese nekeniń alǵashqy jyly tuńǵyshy dúnıege kelgenge deıin mańyzdy merekelerde sáýkele dep atalatyn sándi baskıim kıip júretin bolǵan. Jibekpen qaptalǵan konýstyq qurylym altyn jalatylǵan elementtermen, injý-marjandarmen, monshaqtarmen, amýletıkalyq marjan jipterimen, kúmis túıirshiktermen bezendirilgen. Kestelengen panel qalyńdyqtyń órilgen shashtaryn jasyryp turýǵa arnalǵan» delingen.