О́zbekstanda túrme jazasyn qysqartý úshin kitap oqý baǵdarlamasy engizilýi múmkin. Parlament bul bastamany birinshi oqylymda maquldady. Jobaǵa sáıkes, Qylmystyq kodekske sottalǵandardy «rýhanı túzetý» týraly jańa bap engizý qarastyrylǵan.
Atalǵan baǵdarlama aıasynda sottalǵandar arnaıy bekitilgen tizimi boıynsha kitap oqyp, keıinnen emtıhan tapsyrý arqyly ár oqylǵan kitap úshin jazasyn úsh kúnge qysqarta alady.
«Kórkem ádebıetti oqý sottalǵandarǵa óz sezimderi men emosııalaryn túsinýge ǵana emes, sonymen qatar qoǵamdaǵy basqa adamdardyń da sezimderi men kózqarastaryn, olardyń ómirge degen ustanymdary men umtylystaryn uǵynýǵa kómektesedi», deıdi eldiń ishki ister mınıstriniń orynbasary Ramazon Ashrapov.
Onyń aıtýynsha, О́zbekstandaǵy 49 túrmeniń barlyǵynda kitaphanalar bar, onda 230 myńnan astam kitap qory jınaqtalǵan. Onyń ishinde 44,7 myńnan astamy – sheteldik shyǵarmalar.