Jarys kúndeligi

Asa jeńil salmaqtaǵy Álibı Ydyrys (10-0) 27 mamyrda aralas jekpe-jekten uıymdastyrylatyn «The Ultimaite Fighter» (TUF) realıtı-shoýynyń 33-maýsymyna qatysady. Bul jarysta keleshekte UFC-de óner kórsetetin úmitkerler anyqtalady. Álemniń eń úzdik promoýsheninde kúsh synasý qurmetine ıe bolý úshin qazaq faıterine mindetti túrde jeńiske jetý qajet. Álibıden bólek bul salmaqta Fýrkatbek Iokýbov (15-4, О́zbekstan), Arshııan Memon (7-0, Úndistan), Edýardo «Chapolın» Enrıke (13-2, Brazılııa), Imanol Rodrıges (5-0, Meksıka), Djozef Morales (12-2, AQSh), Roıbert Echeverrıa (10-2, Venesýela), Týmelo Manıamala (6-1, OAR) syndy myqty sportshylar bar. Tanymal aralas jekpe-jek sheberi Jalǵas Jumaǵulov (17-9, 9 KO) «Fight Nights Global» promoýsheni 27 aqpanda Pavlo­darda uıymdastyrǵaly otyrǵan boksshy­lardyń básekesine qatysady. Ol 32 jastaǵy AQSh-tyń ókili Djastın Skoggınspen (15-7, 9 KO) judyryqtasady. Kezinde bul sport­shylardyń ekeýi de UFC-de óner kórsetken. Bul kúnderi fýtboldan elimizdiń ulttyq quramasy Túrkııanyń Beleginde oqý-jattyǵý jıynyn ótkizip jatyr. Jýyrda ǵana taǵaıyndalǵan bas bapkerdiń mindetin atqarýshy Álı Álıev jıynǵa myna oıynshylardy shaqyrtty: Qaqpashylar – Bekhan Shaızada («Ordabasy»), Dinmuhammed Jomart («Jeńis»), Nurasyl Toqtarov («Atyraý»); Qorǵaýshylar – Ular Jaqsybaev («Ordabasy»), Ádı Adambaev, Almas Tólebaı ( «Elimaı»), Dinmuhamed Qaraman («Jeńis»), Asqar Satyshev («Turan»), Amandyq Nábihanov («Atyraý»); Jartylaı qorǵaýshylar – Abylaıhan Nazymhanov («Elimaı»), Serikjan Mujyqov, Alen Aımanov («Jetisý»), Jasulan Jumashev, Naýryzbek Jagorov, Meırambek Qalmyrza, Danııar Úsenov («Tobyl»), Ravıl Aty­hanov («Atyraý»), Davıd Esimbekov («Cher­nomores», Reseı); Shabýylshylar – Aıbar Jaqsylyqov («Qaısar»), Álııar Muhamed («Oqjetpes»), Oralhan О́mirtaev, Aıbar Abdolla («Aqtóbe»). Jeńilisten bir bas kótermeı júr­gen «Astana» basketbolshylary VTB lı­gasyndaǵy kezekti oıynyn syrt alańda Máskeýdiń SSKA-syna qarsy ótkizdi. Match 118:77 esebimen alań ıeleriniń paıdasyna sheshildi. Bizdiń komanda sapynda Danıel Ýtomı 13 upaı jıdy. Sóıtip, bıylǵy maý­symda 32 kezdesý ótkizgen «Astana» sonyń bireýinde ǵana jeńiske jetip, qalǵan 31 básekede jeńilis tapty. QHL-daǵy «Barystyń» jaǵdaıy da máz emes. Turaqty birinshilikte olar áli 14 kezdesý ótkizýge tıis. Kúni keshe Ǵalym Mám­betálıevtiń shákirtteri Sankt-Peterbýrgtiń SKA-synan 2:5 esebimen utyldy. Osy sátsizdikten keıin jerlesterimizdiń pleı-offqa shyǵyp, Gagarın kýbogi úshin talasa almaıtyny belgili boldy. Iýlııa Pýtınseva Dýbaıda shymyldyǵy túrilgen WTA 100 týrnıriniń tusaýkeser kezdesýinde chehııalyq Lında Noskovadan 2:6, 6:7 esebimen utyldy. Osydan birer kún buryn ol Dohadaǵy dodada dál osy tennısshige ese jibergen edi. Elena Rybakına jarysty ekinshi aınalymnan bastaıdy. Elimizdiń birinshi raketkasy japonııalyq Moıýka Ýchıjıma men latvııalyq Elena Ostapenko arasyndaǵy kezdesýdiń jeńimpazymen sheberlik baıqasady. ÝEFA Eýropanyń eń úzdik klýbtarynyń reıtıngin jarııalady. Aldyńǵy lekte – «Real Madrıd» (Ispanııa), «Manchester Sıtı» (Ulybrıtanııa), «Bavarııa» (Germanııa), «Lıverpýl» (Ulybrıtanııa), PSJ (Fran­sııa), «Inter» (Italııa), «Roma» (Italııa), «Chelsı» (Ulybrıtanııa), «Baıer» (Germanııa) sekildi fýtbol grandtary. Elimizdiń komandalary arasynan eń táýir nátıje «Astana» men «Tobylǵa» tıesili. Elordalyqtar 131, qostanaılyqtar 183-satyǵa taban tiredi. О́zge otandyq klýbtar mynadaı satylarǵa jaıǵasty: «Qaırat» – 264, «Ordabasy» – 298, «Aqtóbe» – 352, «Shahtıor» – 374, «Qyzyljar» – 387, «Qaısar» – 388. 2024 jyly eń kóp tabys tapqan sportshy­lardyń tizimi jarııalandy. Baı-qýattylardyń kóshin Krıshtıaný Ronaldý bastap tur. Saýd Arabııasy chempıonatynda «Ál-Nasrdyń» namy­syn qorǵap júrgen protýgalııalyq jul­dyz byltyr 260 mıllıon AQSh dollaryn ıe­lendi. TOP-10-dyqqa Stefen Karrı (AQSh, bas­ketbol, 153,8 mln), Taıson Fıýrı (Uly­brıtanııa, kásipqoı boks, 147 mln), Lıonel Messı (Argentına, fýtbol, 135 mln), Lebron Djeıms (AQSh, basketbol, 133,2 mln), Neımar (Brazılııa, fýtbol, 133 mln), Aleksandr Ýsık (Ýkraına, boks, 122 mln), Karım Benzema (Fransııa, fýtbol, 116 mln), Kılıan Mbappe (Fransııa, fýtbol, 110 mln), Djon Ram (Ispa­nııa, golf, 105,8 mln) syndy sańlaqtar endi.