Mahambet О́temisuly atyndaǵy Batys Qazaqstan ýnıversıtetinde stýdentterdiń shyǵarmashylyq jáne kásibı damýyna arnalǵan jańa sheberhana ashyldy.
Sheberhanada qazirdiń ózinde sulýlyq salony, «MUstore» brendtik kıimder jelisi, kopısentr, qolóner sheberhanasy jumys isteıdi. Ýnıversıtet óz isin bastaımyn degen stýdent jastarǵa ǵımaratty tegin usynyp otyr. Bul jerde stýdentter úshin barlyq qyzmettiń quny naryqtan tómen eken.
«Jobanyń basty maqsaty – stýdentterdiń shyǵarmashylyq qabiletin damytýǵa, kásibı bilimmen qatar jańa daǵdylardy ıgerýge múmkindik beretin alań qurý. Sheberhana jastar arasynda tájirıbe almasýy men yntymaqtastyqty nyǵaıtatyn mańyzdy ortaǵa aınalady. Mundaı joba bizdiń ýnıversıtette ǵana emes, óńirdiń JOO salasynda tuńǵysh ret júzege asyp otyr», deıdi ýnıversıtettiń prorektory Gúljahan Qaısaǵalıeva.
Sheberhana jumysy barysynda stýdentter sheberlik synyptaryna qatysyp, óz bastamalaryn iske asyryp, ınnovasııalyq jobalarmen aınalysa alady. Mundaı tásil tulǵanyń jan-jaqty damýyna, ózine degen senimdilik qalyptastyrýǵa jáne bolashaq mamandardy daıyndaýǵa baǵyttalǵan. Ýnıversıtet basshylyǵy jańa sheberhanany bilim berý úderisiniń mańyzdy bólimine aınaldyryp, stýdentterdiń áleýetin ashýǵa ýáde berip otyr.
Batys Qazaqstan oblysy