Ulttyq bank jarııalaǵan derekterge sáıkes 2025 jylǵy qańtarda ınflıasııa jyldyq kórsetýde 8,9% -ǵa deıin jedeldedi, dep jazady Egemen.kz.
Baǵanyń ósýi birneshe negizgi faktordan týyndady: azyq-túlik ınflıasııasy, birinshi kezekte, jekelegen azyq-túlik ónimderi baǵasynyń ósýinen jedeldedi. Azyq-túlikke jatpaıtyn ınflıasııa joǵary tutynýshylyq suranys pen teńgeniń aıyrbas baǵamynyń álsireýinen oryn aldy. Servıstik ınflıasııa da ósýin jalǵastyrdy, bul keıbir qyzmetter qunynyń ósýine baılanysty boldy. Turǵyn úı-kommýnaldyq qyzmetterge baǵany retteý da nazardan tys qalǵan joq. Olar da ósti, bul qosymsha ınflıasııalyq qysymdy qosty.
Bıyl ınflıasııaǵa fıskaldyq ımpýlstiń kúsheıýi qysym kórsetedi, al negizgi táýekelder ishki suranystyń ósýine, syrtqy ınflıasııalyq qysymǵa, retteletin baǵalardyń ósýine jáne bıýdjet tapshylyǵyn jabýdaǵy belgisizdikke baılanysty bolady.
Budan basqa, tólem balansy ınflıasııa serpininde de ról atqarady. Ol birneshe mańyzdy komponentterdi qamtıdy, onyń ishinde taýarlardyń eksporty men ımporty arasyndaǵy aıyrmashylyqty kórsetetin saýda balansy Ulttyq banktiń monetarlyq saıasatyna áser etedi.
Orta merzimdi perspektıvaǵa Qazaqstannyń tólem balansynyń aǵymdaǵy shotynyń ortasha tapshylyǵy boljanyp otyr. Ulttyq banktiń baǵalaýy boıynsha, tapshylyq $3,7-den $8,5 mlrd-qa deıin bolady dep kútilýde, bul eldiń JIО́-niń 1,3-2,7% -yna sáıkes keledi. Bul munaı baǵasynyń yqtımal tómendeýimen, sondaı-aq ımporttalatyn taýarlardy ishki tutynýdyń joǵary deńgeıimen baılanysty.
Boljam boıynsha, taýar eksporty 2023 jylǵy $80,2 mlrd-tan 2026 jyly $81 mlrd-qa deıin ósedi. Taýarlar ımporty jergilikti óndiristiń jetkiliksizdigi, halyq pen bıznesti tutynýdyń ósýi saldarynan 2023 jyly $60,4 mlrd-tan 2026 jyldyń sońyna qaraı $62,3 mlrd-qa deıin ósýdi jalǵastyrady.
Kirister balansynyń tapshylyǵy 2026 jylǵa qaraı $25,5 mlrd-qa deıin, al qyzmetter balansynyń tapshylyǵy - $1,8 mlrd-qa deıin ósedi. Osy faktorlardyń aıasynda Ulttyq bank óziniń jarııa málimdemelerine sáıkes orta merzimdi perspektıvada ınflıasııany 5% deńgeıinde tómendetý jáne odan ári saqtaý maqsatyna qol jetkizýge umtylatyn bolady.