Memlekettik kirister komıteti Ulttyq bankpen birlesip, 2024 jyldyń tórtinshi toqsanynan bastap sıfrlyq teńgeni qoldana otyryp, sıfrlyq QQS boıynsha pılottyq jobany júzege asyryp jatyr, dep habarlaıdy Egemen.kz.
Sıfrlyq teńge – ulttyq valıýtanyń jańa sandyq túri, ol blokcheın tehnologııasy arqyly iske asyrylady jáne aqshany arnaıy maqsatta paıdalanýǵa múmkindik beredi.Pılottyq jobaǵa qatysý úshin eksporttaýshy-kompanııa banktiń qatysýymen Ulttyq bankten QQS tańbalanǵan sıfrlyq teńgeni satyp alady.Sıfrlyq teńgeniń tańbalanǵan QQS bóligi tek bıýdjet jáne jetkizýshilermen esep aıyrysý tólemderine baǵyttalǵan, odan ózge maqsattarǵa nemese qolma-qol aqshaǵa aınaldyrýǵa múmkindik bermeıdi.Sıfrlyq teńge arqyly júrgizilgen barlyq tranzaksııalar, sondaı-aq jetkizýshiler boıynsha QQS qozǵalysy men bıýdjetke túsken qarajat týraly aqparat Ulttyq bank arqyly memlekettik kirister organdaryna jetkiziledi.Bul júıe, memlekettik kirister organdaryna qysqa ýaqytta QQS qaıtarý úshin, sonymen qatar salyqtyq táýekelderdi boldyrmaýǵa múmkindik beredi.Sıfrlyq teńgeni bızneste paıdalanýdyń negizgi artyqshylyqtary:-QQS qaıtarý merzimi 55-75 kúnnen 15 jumys kúnge deıin qysqarady;-salyqtyq tekserýdi, ákimshilik jáne qarjylyq júktemeni azaıtady;-jedel jáne kepildi qarjy aınalymy, bıznestiń qarjylyq josparlaryn jaqsartady.
Pılottyq joba aıasynda, 2024 jyldyń tórtinshi toqsany boıynsha salyqtyq tekserýler men táýekelder júıesin qoldanbastan qatysýshylarǵa 5 kún ishinde QQS qaıtaryldy.Joba óz tıimdiligin kórsetýde, sol sebepti Memlekettik kirister komıteti salyqtyq túsimderiniń ashyqtyǵyn kúsheıtý maqsatynda sıfrlyq sheshimderdi odan ári damytý baǵytynda jumysyn jalǵastyrady.