Byltyr elimizde jetim balalar men ata-anasynyń qamqorlyǵynsyz qalǵan balalarǵa qoldaý kórsetýge baǵyttalǵan tálimgerlik ınstıtýty jumysyn bastaǵan edi, dep jazady Egemen.kz.
Tálimgerlik ınstıtýty bilim berý uıymdarynyń tárbıelenýshilerin 10 jastan bastap óz betinshe ómir súrýge baýlıdy.
«Tálimgerlerdi daıarlaý - ata-anasynyń qamqorlyǵynsyz qalǵan balalarǵa sapaly qoldaý men kómek kórsetýde mańyzdy qadam. Biz bul shara balalardy áleýmettendirýge jáne óz betinshe ómir súrýge daıyndaýǵa yqpal etetin tálimgerliktiń tıimdi júıesin qurýǵa múmkindik beretinine senimdimiz», dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.
Tálimgerlikke kámelet jasyna tolǵan jáne qorǵanshylarǵa qoıylatyn talaptarǵa sáıkes keletin azamattar úmitker bola alady. Mindetti oqytýdan ótkennen keıin olarǵa biliktiligin rastaıtyn sertıfıkat beriledi. Odan keıin tálimger, qorǵanshylyq jáne qamqorshylyq organy, sondaı-aq bilim berý uıymy arasynda resmı kelisim jasalady.