Qyzylorda oblysy Polısııa departamentiniń Esirtki qylmysyna qarsy is-qımyl basqarmasy alǵash ret stýdentter men oqýshylar arasynda esirtkige qarsy logotıpter baıqaýyn uıymdastyrdy. Baıqaýǵa kreatıvti jáne erekshe 48 jumys usynyldy.
Konkýrsqa qatysýshylar qysqa ýaqytta «Qyzylorda oblysy esirtkige qarsy!» jáne «Esirtki qylmysyna qarsy is-qımyl basqarmasy» emblema-logotıpin jasap shyqty. Usynylǵan jumystardyń kórkemdik deńgeıi men erekshe ıdeıalardy eskerilip, ádetegideı 3 oryn emes, on júlde belgilendi. Osylaısha baıqaýǵa qatysýshylarǵa úsh birinshi, úsh ekinshi jáne tórt úshinshi oryndar berildi.
Birinshi oryndy Shıeli aýdanynyń №127 mektep-lıseıiniń oqýshysy Maqsat Ryspanbetov, Aral aýdanynyń №14 orta mektebiniń oqýshysy Erkebulan Qosanov jáne Shıeli aýdanynyń №244 orta mektebiniń oqýshysy Beksultan Tileýbergen ıelendi. Ekinshi orynǵa Aıaýlym Qorǵanbek (Jalaǵash aýdanynyń №188 orta mektebi), Erkebulan Aıabek jáne Áset Qýanyshtyń (Syrdarııa aýdanynyń №№132,44 orta mektepteri) jumystary laıyq dep tanyldy. Úshinshi oryn júldesin Aıan Qurban (Shıeli aýdanynyń №244 orta mektebi), Qýanysh Qasymov (Aral aýdanynyń №260 orta mektebi), Danııar Orazbaev (Qarmaqshy aýdanynyń №269 orta mektebi) jáne Gaýhar Abdýlahan (Jańaqorǵan aýdanynyń №110 mektep-lıseıi) aldy.
Polıseılerdiń aıtýynsha eń úzdik jumystar resmı logotıp retinde qabyldanady.