О́nerkásipte óz oryndary bar

Zertteý elimizdiń 14 óńirinde júrgizilip, oǵan 2 115 óndiris qyzmetkeri men 235 tehnıkalyq oqý oryndarynyń stýdentteri qatysqan. Zertteý derekteri bo­ıynsha, ónerkásip salasynda ju­mys isteıtinderdiń 31,7%-yn áıelder quraıdy. Áıelderdiń bi­lim deńgeıi erlermen teń bolǵa­ny­na qaramastan, olardyń kópshi­ligi mamandyǵy boıynsha ju­mys istemeıdi. Sondaı-aq mansap pen otbasylyq mindetterdi qatar alyp júrý qajettiligi áıelder­ge qosymsha qıyndyq týdyryp otyr. Sarapshylar ónerkásiptegi áıelderdi qoldaý úshin kásibı baǵ­­­dar berý, ıkemdi jumys sharttaryn ­jasaý, tálimgerlik baǵdarla­ma­lardy damytý qajettigin aıtady.

Ádette ónerkásip erler basym­dyq tanytatyn salasy retinde qabyldanady. Degenmen elimizde bul salada eńbek etetin áıelderdiń sany artyp keledi. Áıelder geologııa, energetıka, taý-ken isi, basqa da ó­ndiristik salalarda eńbek etip, to­laıym tabystarǵa qol jetkizip júr.

Ulttyq statıstıka bıýrosynyń má­limetine sáıkes ónerkásip salasynda jumys isteıtin áıelderdiń úlesi jalpy jumyskerlerdiń 18%-yn quraıdy. Bul kórsetkish er­lerge qaraǵanda aıtarlyqtaı tó­men bolǵanymen, jyl saıyn ósip keledi. Áıelder kóbinese esepteý, zert­teý, basqarý jumystarynda kóbi­rek shoǵyrlanǵan, aýyr óndi­ris­tik kásipterde de ózin kórsete bastady. О́nerkásiptegi áıelder sa­nynyń artýy – tek teńdik máse­le­si ǵana emes, sonymen qatar ekonomıkalyq damýda mańyzdy fak­tor bolyp otyr. О́nerkásip sala­synda áıelderdiń róli artyp kele jat­qanynan naqty mysaldar keltirelik.

Alýa Qarjaýbaeva – jas geo­log, birneshe jyl ishinde qara­pa­ıym tehnık-geologten resýrs geo­lo­­gine deıin kóterilgen. Elimizde geo­­logııa salasyndaǵy áıel­der­diń kó­beıýin qalaıdy, bul sala­ǵa qyz­dardy kóp­tep tartýdy maqsat etedi.

Jamal Serikqyzy – QBTÝ professory, geologııa ǵylymdary­nyń doktory. Ǵylym men tehnıka­lyq salalarda áıelderdiń rólin nyǵaıtyp, bolashaq mamandardy tárbıeleýge atsalysyp júr.

Fatıma Galıamova – 30 jyldan astam tájirıbesi bar energetık. Pavlodarda týyp-ósken, mansa­byn elektrmen jabdyqtaý salasynda bastap, keıin 12 jyl boıy qosal­qy stansalarda elektrmonter bolyp qyzmet etti. Otbasy men jumys­ty qatar alyp júrip, energetıkaǵa degen súıispenshiligin joǵaltqan emes. F.Galıamova da tehnıkalyq mamandyqtarǵa qyzdardyń qyzyǵý­shylyǵyn arttyrý qajet ekenin aıtady.

Álııa Baqaeva – tokar, «Eńbek ardageri» medaliniń ıegeri. Bas­tap­qyda muǵalim bolyp jumys istep, keıin zaýytqa qoımashy bolyp ornalasady. Tokarlyq iske qyzyǵyp, kásibin meńgerip ala­dy. Sóıtip, otbasynyń asyraýshy­sy retinde jumysyn jalǵasty­ryp, áriptesteri arasynda qurmet­ke ıe boldy. Búginde eńbekqor­ly­ǵy men tabandylyǵy basqa qyz-kelinshekterge úlgi.

Ken baıytý salasynda da erlermen qatar eńbek etip júr­gen áıel-ana, qyz-kelinshekter bar­shylyq. Sonyń biri – Sholpan Tólemisova. Sholpan – taý-ken ın­jeneri, eńbek jolyn eden jýý­­shydan bastap, tabandylyǵy men tájirıbesiniń arqasynda ınjenerlikke deıin kóterilgen. Áıelderdiń taý-ken salasynda da tabysqa jete alatynyn dáleldep júrgenine qýanady.