Úkimette ótkizilgen ekonomıkalyq ósýdi qamtamasyz etý jónindegi shtab otyrysynda vıse-premer – Ulttyq ekonomıka mınıstri Serik Jumanǵarın О́nerkásip jáne qurylys mınıstrligi men óńirlerdiń aldyna taý-ken metallýrgııa kesheniniń 2025 jylǵy naqty kólem ındeksin (NKI) ulǵaıtý mindetin qoıdy.
О́nerkásip jáne qurylys mınıstrligi 2025 jyly fızıkalyq metallýrgııa ındeksiniń 5%, metall keniniń 3,1%, kómir óndirýdiń ótken jyldyń deńgeıinde ósýin boljaıdy. Mys, altyn, prokat, ferroqorytpa, shoıyn óndirý kóleminiń ulǵaıýy esebinen metallýrgııa kólemin arttyrý josparlanyp otyr. Sondaı-aq bıyl «Qaragandy Power Silicon» JShS keshendi qorytpa zaýyty, «Ekibastuz FerroAlloys» JShS ferroqorytpa óndirisi, «Shagala mining» JShS katodty mysy, Lımannoe ken orny iske qosylady.
Vıse-premer shtab otyrysynda atap ótkendeı, bıyl elimizdiń ekonomıkalyq ósiminiń 7%-dyq targetteletin kórsetkishi úshin TMK-nyń josparlanyp otyrǵan ósý kórsetkishteri jetkiliksiz.
«Elimizdiń ekonomıkalyq ósýi boıynsha 7% maqsatty baǵyt sheńberinde óńdeýshi ónerkásip ósiminiń nysanaly ındıkatory 7,6%-dy quraıdy. О́ńdeýshi ónerkásiptegi úles salmaǵy shamamen 40%-dy quraıtyn metallýrgııa boıynsha negizgi ónim túrleri boıynsha NKI-niń josparlanǵan kórsetkishteri negizinde biz 2-3%-dan aspaıtyn ósimdi kóremiz. Bıyl barlyq salalyq óndirýshilerimen birlesip, TMK-da joǵary ósimge qalaı qol jetkizýge bolatynyn talqylaý qajet, kórsetkishterdi barynsha táýekeldi túrde qoıý kerek», dep atap ótti vıse-premer.
Sondaı-aq otyrysta Atyraý jáne Batys Qazaqstan oblystaryndaǵy ınvestısııalyq jobalardyń iske asyrylý barysy tyńdaldy.
BQO-da 2025 jylǵy qańtarda negizgi kapıtalǵa ınvestısııa 28,9 mlrd teńgeni qurady. Bul ótken jylǵy qańtar aıymen salystyrǵanda 7,1%-ǵa artyq (26,7 mlrd teńge). Onyń ishinde 90,2%-y jeke ınvestısııa, 9,8%-y bıýdjettik ınvestısııa. 2025 jylǵa arnalǵan negizgi kapıtalǵa ınvestısııalar boıynsha oblystyń KPI-y 841 mlrd teńge. 2024 jylǵy 9 aıda tikeleı sheteldik ınvestısııa aǵyny 995,5 mln dollardy qurady. Bul 2023 jylǵy sáıkes kezeńdegi kórsetkishten 13,1%-ǵa artyq (880,1 mln dollar). TShI-degi negizgi úles taý-ken ónerkásibine tıesili. 2025 jyly jalpy quny 44,5 mlrd teńge bolatyn 769 jumys orny ashylatyn 25 ınvestısııalyq jobany iske asyrý josparlanǵan.
Atyraý oblysynda ınvestısııanyń negizgi úlesi taý-ken ónerkásibine tıesili. 2025 jylǵy qańtarda ınvestısııa kólemi 100,9 mlrd teńgeni qurady. Bul 2024 jylǵy qańtardyń kórsetkishiniń jartysynan tómen (195,4 mlrd teńge). 2025 jyly jalpy quny 59 mlrd teńgeni quraıtyn, 595 jumys orny ashylatyn, 15 ınvestısııalyq joba paıdalanýǵa beriledi. Olardyń qatarynda «ATYRAU CHICKEN» JShS qus fabrıkasy, «Aıdana-Agro» ShQ jylyjaı kesheni, «Teksol-Trans» JShS suıytylǵan gazdy saqtaýǵa arnalǵan qoıma, «Jumaǵalıeva» ShQ kókónis qoımasy jáne basqalary bar.
Qazirgi ýaqytta óńirlerdiń derekteri boıynsha ınvestısııalyq jobalardy iske asyrý úshin eleýli kedergiler baıqalmaıdy. Osyǵan qaramastan, vıse-premer óńirlerdi «Báıterek» holdıngi arqyly qoljetimdi qarjylandyrýǵa ótinim berý úderisine bıznesti belsendi tartýǵa shaqyrdy.