2025 jyldy «Jumysshy mamandyqtar jyly» dep jarııalaǵan Prezıdent Jarlyǵyn iske asyrý sheńberinde Tótenshe jaǵdaılar mınıstrligi áskerı qyzmetshilerdi qajetti mamandyqtarǵa oqytýdy jalǵastyryp jatyr, dep habarlaıdy Egemen.kz.
Baýyrjan Momyshuly atyndaǵy 28237 áskerı bóliminiń merzimdi áskerı qyzmetshileri J.Jabaev atyndaǵy kásiptik kolledji jáne Mekteparalyq oqý-óndiristik kombınaty arasynda jasalǵan memorandým negizinde aspazshy, avtomehanık, slesar, shashtaraz, gaz dánekerleýshi, elektrık sııaqty mamandyqtar boıynsha oqýdan ótip, biliktilik týraly kýálik alady, bul olarǵa mansaptaryn senimdi qurýǵa jáne qazirgi eńbek naryǵynyń talaptaryna beıimdelýge múmkindik beredi.
«Biz jastardy áskerı qyzmetke daıyndap qana qoımaımyz, sondaı-aq olarǵa bolashaq úshin berik negiz bolatyn bilim men daǵdylardy úıretemiz. Bul olardyń armııadan keıingi kásibı qalyptasýy men tabysty ómirine qosylatyn mańyzdy úles», dep atap ótti sala mınıstri general-maıor Shyńǵys Árinov.