Búgin Iordanııa astanasy Ammanda kúres túrlerinen Azııa chempıonatynyń ekinshi jarys kúni bastaldy, dep habarlaıdy Egemen.kz.
TSM Sportty damytý dıreksııasynyń málimetinshe, grek-rım kúresinen búgin bozkilemge shyqqan 3 balýanymyz qarsylastaryna ese jibergen.
60 kelide Baqytjan Qabdyl japon sportshysy Kaıto Inabadan aılasyn asyra almady. 2022 jylǵy Azııa chempıony otandasymyz Meıirjan Shermahambet Ońtústik Koreıa balýany Mın Sýn Kvonǵa 5: 11 esebimen jol berdi.
72 kelide el namysyn qorǵaǵan Ádilhan Sataev ta alǵashqy aınalymnan asa almady. Ol qyrǵyz balýanynan 7: 11 esebimen jeńildi.
Endi bul sportshylar qarsylasynyń jarys jolyndaǵy nátıjesine qaraıdy. Eger olar fınalǵa joldama alsa, Ulttyq qurama ókilderi jubanysh kezeńinde beldesýge múmkindik alady.