Parıjde Fransııa prezıdenti Emmanýel Makron men Ulybrıtanııa premer-mınıstri Kır Starmer uıymdastyrǵan «Yntalylar koalısııasy» sammıti ótti. Kezdesý taqyryby Reseımen beıbit kelisim jasalǵan jaǵdaıdaǵy Ýkraına úshin kepildik máselelerine arnaldy, dep habarlaıdy Egemen.kz.
Makron sammıt qorytyndysyna sáıkes onyń músheleri Ýkraına men onyń armııasyn qoldaýdy jalǵastyrýǵa keliskenin, sondaı-aq Reseı men onyń kóleńkeli tankerler flotyna qysym kórsetýdi jalǵastyrýǵa ýáde bergenin aıtty.
Sondaı-aq, Makron Ýkraınaǵa «olardyń bolashaǵyn josparlaý úshin» fransýz-brıtandyq áskerı delegasııa jiberiletinin málimdedi.
Múmkin bolatyn bitimgershilik kúshter týraly aıta otyryp, Makron olardyń áli qalyptasý kezeńinde ekenin aıtty.
Buǵan qosa Fransııa basshysy Eýropa elderi eshkimge arqa súıemeı, tyǵyryqtan ózi shyǵýǵa daıyndalý kerektigin jetkizdi.
«Jaqsylyqqa úmit eteıik, jamandyqqa daıyn bolaıyq», dedi ol.