Keńgir sý qoımasy 97,9 paıyzǵa tolyp tur. Qarakeńgir ózeni arnasyna salynǵan Keńgir bógeni 1952 jyly iske qosylǵan. Ulytaý oblysyna qaraıtyn úsh qalany sýmen qamtamasyz etip otyr. Jaqynda buǵan deıin «Kazakhmys Distribution» JShS quzyrynda bolyp kelgen Keńgir sý qoımasy memleket menshigine qaıtaryldy.
Keńgir jasandy kóliniń jalpy syıymdylyǵy 319 mln. tekshe metr. Naýryzdyń 21 - 3 sáýir aralyǵynda sý qoımasyna shamamen 75 mln. tekshe metrden astam sý keldi.
Ulytaý oblysy Tótenshe jaǵdaılardyń aldyn alý basqarmasynyń aǵa ınjeneri Qýandyq Amanqanuly: «Qazir sý qoımasy 97,9 paıyzǵa tolyp turǵan soń artyq sýdy syrtqa aǵyzyp jatyr. 5 jáne 4 shandorlar ashyq tur. 4 jáne 5 shandor 1 metrden, ıaǵnı 16,8 mln. tekshe metr sýdy jiberip jatyr», deıdi.
Qar qalyń túsken Ulytaýdyń basyndaǵy qar erigenshe áli sý keletinin biletin jaýapty adamdar jaǵdaıdy baqylaýda ustap tur.
Ázirge jaǵdaı turaqty. Tótenshe jaǵdaılar departamenti janynan qurylǵan shtab jumys istep jatyr.
Ulytaý oblysy