Respýblıkalyq mańyzy bar avtomobıl joldardyń jıeginen, jol boıyndaǵy beldeýlerden, demalys alańdary men avtopavılondardan qoqystardy tazalaý qarqyndy júrgiziledi. «QazAvtoJol» UQ» AQ qyzmetkerleri byltyr jol boıynan 700 myń tonna qoqys jınaǵan, dep jazady Egemen.kz.
Jolshylar táýligine shamamen 2 500 tonna qoqys jınaǵan. Tazartylǵan aýmaqtyń jalpy aýdany shamamen 400 mıllıon sharshy metrge jetken.Bul aýqymdy sharalar jol qozǵalysy qaýipsizdigin, júrgizýshiler men jolaýshylardyń qolaıly qozǵalysyn qamtamasyz etýge, sondaı-aq óńirlerdegi ekologııalyq jaǵdaıdy jaqsartýǵa baǵyttalǵan.
«Ár avtokólikten tastalǵan nemese jol boıyna qaldyrylǵan zattar jol qyzmetine qosymsha júkteme túsirip, qorshaǵan ortaǵa zııan keltiretinin eskergen jón. Biz qorshaǵan ortaǵa uqypty qaraý arqyly joldardyń tazalyǵy men tártibin saqtaýǵa úles qosamyz. Qoqysty tastamaýǵa jáne tabıǵatty aıalaýǵa shaqyramyz», delingen «QazAvtoJol» UQ» AQ habarlamasynda.