Qyzylorda oblystyq prokýratýrasy jyl basynan beri 7 145 jumysshynyń quqyǵyn qorǵapty. Arnaıy tekserý nátıjesinde zańsyzdyqqa jol bergen 6 jumys berýshi ákimshilik, taǵy altaýy tártiptik jaýaptylyqqa tartylǵan.
Osy ýaqyt aralyǵynda qadaǵalaý aktileri arqyly 601,3 mln teńge jalaqy óndirilgen. Solardyń qatarynda «Jastar praktıkasy» baǵdarlamasy aıasynda jumyspen qamtylǵan 2 360 jasqa 264 mln teńge jalaqy qaryzy tólendi.
Eńbekti qorǵaý jáne eńbek qaýipsizdigi salasynda zańdylyqtyń saqtalýyna taldaý júrgizgen prokýratýra oblysta 8 myńnan astam jumys berýshi jumysshylarymen jazataıym oqıǵalardan mindetti saqtandyrý týraly shart jasamaǵanyn anyqtaǵan. Olardyń arasynda iri agrokompanııalar da bar.
Tekseristen keıin 55 jumys berýshi 500-den astam jumysshysyn jazataıym oqıǵadan saqtandyrdy.