Prezıdentke «Qazposhta» AQ jáne YTO Express kompanııasynyń birlesken kásiporny «Qazpost – YTO» JShS-niń qyzmeti jóninde baıandaldy, dep habarlaıdy Egemen.kz Aqordanyń baspasóz qyzmetine silteme jasap.
Bul jobanyń negizgi maqsaty – Qazaqstan men Ortalyq Azııa elderi aýmaǵynda zamanaýı ári tıimdi kýrerlik jelini damytý.
Bıyl Almaty oblysynda suryptaý habynyń qurylysyn bastaý josparlanyp otyr. Atalǵan nysan poshta jóneltilimderin jetkizý merzimin edáýir qysqartýǵa múmkindik beredi.
«Qazpost – YTO» JShS suryptaý habyna jaqyn mańnan Indýstrıaldy park salýǵa nıetti.
Qasym-Jomart Toqaev osyndaı birlesken jobalardyń strategııalyq mańyzyn atap ótip, olar memleketter men halyqaralyq bıznes arasyndaǵy tıimdi yqpaldastyqtyń úlgisi bolýǵa tıis ekenine nazar aýdardy.