13 sáýir kúni saǵat 09:23-te (Astana ýaqytymen) Tótenshe jaǵdaılar mınıstrliginiń «Seısmologııa ulttyq ǵylymı-zertteý ortalyǵy» seısmıkalyq stansııalar jelisi Tájikstan aýmaǵynda jer silkinisin tirkedi, dep habarlaıdy Egemen.kz.
Jerasty dúmpýiniń epısentri Almaty qalasynan ońtústik-batysqa qaraı 673 shaqyrym qashyqtyqta ornalasqan.
Jer silkinisiniń áseri Qazaqstannyń ońtústik óńirlerinde – Túrkistan, Jambyl jáne Shymkent qalalarynda baıqaldy. Qattylyǵy 2-3 ball shamasynda bolǵan. Myrzakent, Jetisaı, Saryaǵash, Shardara, Shymkent, Taraz, Arys, Abaı, Lenger, Saıram, Mankent sekildi eldi mekenderde 3 ballǵa deıingi dúmpý sezilgen. Túrkistan, Kentaý, Shý, Moıynqum, Jańaqorǵan jáne basqa birneshe eldi mekenderde 2 balldyq terbelis baıqaldy.
Tótenshe jaǵdaılar mınıstrliginiń málimetinshe, zardap shekkender men qıraǵan nysandar týraly aqparat túsken joq.