Búgin II Ortalyq Azııa medıaforýmy aıasynda Mádenıet jáne aqparat mınıstri Aıda Balaeva Ortalyq Azııa elderiniń medıa salasy mekemeleri men salalyq vedomstvolarynyń ókilderimen birqatar ekijaqty kezdesýler ótkizdi, dep habarlaıdy Egemen.kz sala mınıstrliginiń baspasóz qyzmetine silteme jasap.
Aıda Balaeva О́zbekstan Respýblıkasy Prezıdenti Ákimshiliginiń janyndaǵy Aqparat jáne buqaralyq kommýnıkasııalar agenttiginiń dırektory Asadjon Hodjaevpen kezdesip, Qazaqstannyń Ortalyq Azııa óńirinde biryńǵaı aqparattyq keńistikti nyǵaıtýdy únemi qoldaıtynyn atap ótti. Taraptar arasyndaǵy yntymaqtastyqty keńeıtý jáne ózara tájirıbelik baılanysty damytý maqsatynda aqparattyq saladaǵy áriptestikti nyǵaıtýǵa baǵyttalǵan birlesken hattamaǵa qol qoıyldy.
Ázerbaıjan Respýblıkasynyń Medıa damytý agenttiginiń atqarýshy dırektory Ahmed Ismaılovpen ótken kelissózder barysynda taraptar halyqtar arasyndaǵy jaqyndasý men ortaq aqparattyq keńistik qalyptastyrýda mádenıet, bilim berý men medıanyń mańyzdy rólin atap ótti. Ásirese, teń dárejeli aqparat taratý máselesine erekshe nazar aýdaryldy. Qazirgi ýaqytta Qazaqstan Respýblıkasynyń Mádenıet jáne aqparat mınıstrligi Ázerbaıjannyń «CBC TV» telearnasyn elimizdiń aýmaǵynda tirkeý múmkindigin qarastyryp jatyr.
Sondaı-aq Aıda Balaeva CNN-niń Ortalyq Azııa jáne Afrıka boıynsha ókili Saıed Imran Ahmadpen kezdesti. Taraptar telejýrnalıstıka men medıa salasyn damytýǵa baǵyttalǵan ekijaqty yntymaqtastyqty keńeıtý josparlary men perspektıvalaryn talqylady.