Ábilhan Qasteev atyndaǵy memlekettik óner mýzeıinde belgili qolóner sheberi, sýretshi Turbaı Muratbektiń «Saǵynyshtyń túsi» atty jeke kórmesi ashyldy. Ekspozısııada 40-tan astam ınemen kestelengen jumys usynyldy.
Sýretshi týyndynyń qurylymy men tústik túzilimin túrli tústi jipter arqyly oınatyp, keskindemelik jolaqtar men keskinderdi asa dáldikpen keste arqyly kórsetedi. Jalpy, sýretshiniń kórmege qoıylǵan jumystarynan – tústiń qanyqtyǵy, qurylymnyń naqtylyǵy baıqalady. Avtor týyndylarynyń taǵy bir ereksheligi – dástúrli oıý-órnekterdi sheber qoldanýy.
Kórkemónerdiń ishinde balalyq shaqqa arnalǵan taqyryptar da bar. Ol óz eńbekterinde aýyldyń beıqam ómirin, bala kóńildiń tazalyǵyn, jan dúnıeniń tynyshtyǵy men saǵynysh lebin kórkem sheberlikpen jetkizgen.
Kórme 4 mamyrǵa deıin jalǵasady.