Italııa premer-mınıstri Djordjıo Melonıdiń Qazaqstanǵa josparlanǵan sapary, sondaı-aq birinshi Ortalyq Azııa-Italııa sammıti keıinge shegerildi. Bul týraly Prezıdenttiń keńesshisi-baspasóz hatshysy Rýslan Jeldibaı aıtty, dep habarlaıdy Egemen.kz.
Onyń aıtýynsha, Italııa premer-mınıstriniń jańa sapary eki jaq tarappen kelisilip jatyr.
«Italııalyq taraptyń ótinishi boıynsha Rım Papasy Fransısktiń qaıtys bolýyna, aza tutý sharalaryna qatysýyna baılanysty Italııa premer-mınıstri Djordjı Melonıdiń Qazaqstanǵa josparlanǵan sapary jáne birinshi Ortalyq Azııa-Italııa sammıti keıinge shegerildi», dedi R.Jeldibaı.
Buǵan deıin Aqordanyń baspasóz qyzmeti Djordjı Melonıdiń Qazaqstan prezıdenti Qasym-Jomart Toqaevtyń shaqyrýymen sáýirdiń 26-27-si aralyǵynda keletinin habarlaǵan edi. Taraptar Qazaqstan-Italııa strategııalyq áriptestiginiń damý perspektıvalaryn talqylaýdy josparlady.
Birinshi Ortalyq Azııa-Italııa sammıti 27 sáýirde ótedi dep josparlanǵan edi.