Qostanaı qalasyndaǵy «Soltústik» qoqys polıgany otqa orandy. О́rttiń taralý aýmaǵy anyqtalyp jatyr, dep habarlaıdy Egemen.kz.
Qazirgi tańda oqıǵa ornynda 2 býldozer, 3 órt sóndirý kóligi jáne 1 jyljymaly nasos stansııasy jumys istep jatyr.
Oblys ákimdiginiń málimetinshe, órttiń taralýy aınaladaǵy nysandarǵa qaýip tóndirmeıdi. Tilsiz jaý tolyq aýyzdyqtalǵannan keıin, jaǵdaıdy turaqtandyrý boıynsha qosymsha sharalar qabyldanady.
Alaıda, qala turǵyndary tútin men kúıik ıisine shaǵymdanǵan. Bul másele de tıisti organdardyń baqylaýyna alynǵan.