Jambyl oblysynda juqtyrylǵan ımmýn tapshylyǵy dertine shaldyqqandardyń sany osy jyldyń alǵashqy tórt aıynda 44-ke jetken, dep habarlaıdy Egemen.kz.
Oblystyq juqtyrylǵan ımmýn tapshylyǵy sındromynyń aldyn alý jáne onymen kúres ortalyǵynyń bas dárigeri Baǵlan Qydyrbaevtyń aıtýynsha, JITS dertin juqtyrǵandardyń kósh basynda oblys ortalyǵy Taraz qalasy tur.
«Osy jyldyń alǵashqy tórt aıynda JITS ınfeksııasynyń 44 jaǵdaıy tirkeldi. 100 myń turǵynǵa shaqqanda aýrýshańdyq kórsetkishi 3,6-ny qurap otyr», deıdi ol.
B. Qydyrbaev keltirgen derekke júginsek, eń kóp ınfeksııa juqtyrǵandardyń kóshin 30-39 jáne 40-49 jastaǵy azamattar quraǵan. Atalǵan jas sanatyndaǵy turǵyndardan 12 derekten anyqtalǵan. О́kinishke qaraı, dertke shaldyqqandardyń qatarynda 2-5 jas aralyǵyndaǵy bir sábı bar, sondaı-aq 15-19 jas aralyǵyndaǵy jasóspirimderdiń birinen JITS anyqtalǵan.
«Tórt aıdaǵy kórsetkishke zer salsaq, AITV ınfeksııasy anyqtalǵandardyń ishinde jumys isteıtin azamattardyń sany basym bolyp tur. Olardan 17 jaǵdaı anyqtalsa, jumyssyz azamattardyń ınfeksııa juqtyrý kórsetkishi 16 derekti quraǵan», deıdi B. Qydyrbaev.
Jambyl oblysy