Mańǵystaýda 2025 jyly toǵyz «Jaıly mektep» paıdalanýǵa beriledi, bul oqýshy sany artyp, mektepke syıymdylyq máselesi týyndaǵan aımaq úshin úlken jańalyq. О́tken jyly, ıaǵnı 2024 jyldyń jeltoqsan aıynda 4 500 oryndyq 4 mektep paıdalanýǵa berilgen edi. Al jańa oqý jylynda iske qosylatyn «jaıly mektepter» 8 100 oqýshyǵa qushaǵyn aıqara ashatyn bolady.
Naqtyraq aıtsaq, atalǵan toǵyz «Jaıly mekteptiń» úsheýi – Aqtaý qalasynda, bireýi – Jańaózen qalasynda, ekeýi – Beıneý aýdanynda, ekeýi – Munaıly aýdanynda, bireýi Mańǵystaý aýdanynda ashylady.
– Búginde oblysta «Jaıly mektep» ulttyq jobasy aıasynda 8 100 oqýshy ornyna arnalǵan toǵyz jańa mekteptiń qurylysy júrip jatyr. Bul toǵyz mektep jańa oqý jylynda iske qosylady. Sonymen qatar Memleket basshysynyń 1 300 mektepti jańǵyrtý jónindegi tapsyrmasyna sáıkes oblys boıynsha 21 mektepke kúrdeli jóndeý jumysy júrgiziledi. Bul jumysty 2025–2027 jyldar aralyǵynda tolyq aıaqtaý kózdelip otyr, deıdi Mańǵystaý oblystyq bilim basqarmasy basshysynyń orynbasary Gúlbaný Qyzylǵulova.
Sondaı-aq basqarma basshysy orynbasarynyń aıtýynsha, óńirde jyl basynan beri úsh balabaqsha ashylǵan.
– Mektepke deıingi tárbıe men oqytý salasynda 2025 jyly 17 jańadan balabaqsha ashylyp, 4 410 orynǵa deıin qamtý múmkindigi qarastyrylǵan. Sonymen qatar memleket-jekeshelik áriptestik arqyly Aqtaý qalasyndaǵy 18 jáne 34-shaǵyn aýdandary men Munaıly aýdanynda úsh mektepke deıingi uıym qurylysyn júrgizý jóninde jeke ınvestorlardan usynys tústi, deıdi ol.
Quzyrly oryndardyń bergen málimetine sensek, jańa oqý jylynda segiz myńnan astam oqýshy keń de taza, bıik te jaryq sý jańa zamanaýı mekteptiń tabaldyryǵyn attaıdy.
Mańǵystaý oblysy