Taıaýda Dúnıejúzilik bank saıtynyń «Blogtar» bóliminde jarııalanǵan qyzyq bir maqalaǵa kózimiz tústi. Onda Marat Oshahtıev esimdi azamattyń qurylys qaldyqtarynan 3D formattaǵy úıdi basyp shyǵaryp, salǵanyn jazǵan. Jańa úı jer silkinisine tózimdi kórinedi.
Dúnıejúzilik bank «О́nimdi ınnovasııalardy yntalandyrý» jobasy aıasynda ónerkásiptik qaldyqtardy basqarý máselesin qarjylandyrady. Bizdiń elimiz de atalǵan joba sheńberinde aldyńǵy qatarly tehnologııalardy engizip jatyr. Joba qazirdiń ózinde joǵaryda aıtqan 3D-baspadan bólek, bıologııalyq ydyraıtyn plastık, kún energııasymen jumys isteıtin sýarý júıeleri jáne zamanaýı ara sharýashylyǵy sııaqty tehnologııalardy qarjylandyrýǵa kómektesken.
«BM Logistics and Trade Services Co.» kompanııasy aýmaǵy 100 sharshy metr bolatyn bul qurylysty eki aıdan az ýaqyt ishinde salyp shyǵypty. Qabyrǵalardy basyp shyǵarý nebári bes kúnde támam bolǵan. Elimizdegi aýa temperatýrasynyń kúrt aýytqýynan saqtaný maqsatynda qurylys jumystary kezinde jylý oqshaýlaý maqsatynda keńeıtilgen polıstırol beton da (EPS) paıdalanylypty. Záýlim ǵımarattar men kópirler sııaqty aýyr júktemeli qurylymdarǵa arnalǵan asa berik beton men seısmıkalyq qaýipsizdik sharalary qoldanylǵan bul úı Rıhter shkalasy boıynsha 7 baldyq jer silkinisine tótep bere alatyn kórinedi.
«Qazir zamanaýı tehnologııalardy paıdalanýǵa qajettilik bolyp tur. Dúnıejúzilik banktiń qoldaýymen elimizde 3D-qurylys baspa tehnologııalaryn qoldaný arqyly tehnologııalyq jetistikterdiń aldyńǵy shebinde turmyz. Joba nátıjesinde kompanııamyz elimizdiń seısmıkalyq turǵydan tózimdi, zamanaýı, tıimdi ári turaqty turǵyn úı sheshimderine degen ózekti qajettiligin sheship, bolashaqqa senimdi qadam basty», deıdi Marat Oshahtıev.
Joba eki tehnologııanyń basyn biriktirip otyr, biri – 3D-baspa bolsa, ekinshisi – betondy qaıta óńdeý. Qazirgi qoldanystaǵy tájirıbede 3D-prınter arnaıy beton qospasyn qajet etedi. Ony jabdyqty óndirýshi jetkizedi, sebebi kádimgi beton mundaı maqsattarǵa jaramaıdy. Alaıda jobalyq top qajetti beton qospasyn jergilikti deńgeıde óndirý úshin qurylys qaldyqtaryn qaıta óńdeý úderisin ázirlegen. Bul ınnovasııalyq tásil kúrdeli qurylymdardy az shyǵynmen jasap, dızaın turǵysynan ıkemdilik pen dáldikti arttyrýǵa múmkindik beredi. Atalǵan amal shyǵyndy azaıtyp, qaldyq sanyn kemitip qana qoımaıdy, sonymen qatar óńdeýge jol ashady jáne ornyqty qurylys úderisteriniń tıimdiligin arttyrady.
Blog avtorlarynyń jazýynsha, mobıldi bólshekteý zaýyty men magnıtti separator beton qaldyqtary men armatýralyq metaldardy tıimdi óńdeı alady. Basyp shyǵarýdyń ońtaılandyrylǵan júıesi zııandy zattardyń aýaǵa taraýy men jumystyń toqtap qalýyn boldyrmaıdy. Bul óz kezeginde energetııa tıimdiligine de jol ashady.
Jobalyq alań Boraldaı aýlyndaǵy kóptegen qurylys nysanynyń janynda ornalasqan. Bul jerge beton qaldyqtaryn jetkizý de qıyndyq týdyrmaıdy. Qazir jobalyq komanda úı men shaǵyl tas óndirisi aýqymyn keńeıtýge múddeli. Aldaǵy ýaqytta top Ortalyq Azııa naryǵyna shyqqysy keledi.
Qazir elimizdiń qurylys sektoryndaǵy kómirtegi iziniń úlesi ájeptáýir. 2019 jyly sektor 65 mln tonna materıal paıdalanǵan, sonyń 30%-y – ımporttyq taýarlar. Otandyq taýarlardy jyl saıyn óndirý aýaǵa 13,9 mln tonna CO2 taratady. Bul eldegi jyldyq zııandy zattar taralymynyń 4%-y eken.