Air India áýe kompanııasynyń jolaýshylar ushaǵy Úndistandaǵy Ahmedabad áýejaıynan kóterile salysymen apatqa ushyrady, dep habarlaıdy Egemen.kz.
Derekke sáıkes, ushaq bortynda keminde 242 jolaýshy bolǵan. Áýe kemesi Londonǵa baǵyt alǵan. Ushaq Astana ýaqytymen saǵat 13:08-de ushyp, bes mınýttan keıin apatqa ushyraǵan. Apattan keıin áýejaıǵa kiretin joldar ýaqytsha jabyldy.
Oqıǵa ornynan túsirilgen beınematerıaldar áleýmettik jelilerde taralýda. Apattyń naqty sebepteri men zardap shekkender týraly resmı aqparat ázirge jarııalanǵan joq.
Úndistannyń Azamattyq avıasııa bas dıreksııasy (DGCA) Boeing kompanııasymen birlesip tergeý júrgizýdi bastady. Air India áýe kompanııasy da apatqa qatysty barlyq mán-jaıdy anyqtaýmen aınalysyp jatqanyn habarlady.
Janel TО́LEÝBEKOVA, EUÝ stýdenti