Búgin Ortalyq kommýnıkasııalar qyzmetiniń alańynda óńdeýshi ónerkásipti damytý jáne ony otandyq shıkizatpen qamtamasyz etý máseleleri boıynsha brıfıng ótti. Is-sharada QR О́nerkásip jáne qurylys mınıstrligine qarasty О́nerkásip komıteti tóraǵasynyń orynbasary Ǵalymjan Tórebek baıandama jasady, dep habarlaıdy Egemen.kz.
О́z sózinde Memleket basshysynyń strategııalyq tapsyrmalaryn iske asyrý aıasynda qolǵa alynǵan naqty qadamdarǵa toqtaldy. 2021 jyly qabyldanǵan «О́nerkásiptik saıasat týraly» Qazaqstan Respýblıkasynyń Zańy aıasynda ishki naryqtaǵy taýar óndirýshilerge shıkizat qoljetimdiligi artty. Atap aıtqanda, otandyq kásiporyndar London metall bırjasy baǵasynan 5% tómen baǵada shıkizat alýǵa múmkindik aldy.
Ishki taýar óndirýshilerdi shıkizatpen qamtamasyz etý boıynsha qabyldanǵan is-sharalardyń nátıjesinde 30 joba boıynsha aıtarlyqtaı daıyn ónim shyǵarý kólemi ulǵaıdy.
2024 jyly bastapqy alıýmınııdi qaıta óńdeý 2 esege artyp, 57 myń tonnany qurady. Aǵymdaǵy jyly otandyq kásiporyndarmen kelisimsharttarǵa qol qoıýdyń nátıjesinde alıýmınııdi qaıta óńdeý kórsetkishin 93 myń tonnaǵa jetkizý josparlanýda. 2029 jylǵa qaraı alıýmınııdi qaıta óńdeýdi 163 myń tonnaǵa deıin ulǵaıtý kózdelip otyr.
Mys óńdeý boıynsha:
2024 jyly mys óńdeý kólemi 13,2 myń tonnany qurap, 2029 jylǵa deıin 91 myń tonnaǵa deıin jetkizý josparlandy; 16 otandyq kásiporyn mys shıkizatymen qamtamasyz etildi; Mys symdar men transformator bólshekteri óndirisi 31%-ǵa, al katanka jáne ılem óndirisi 29%-ǵa ósedi dep kútiledi.Myrysh óńdeý boıynsha:
2024 jyly myryshty ishki óńdeý 3,6 myń tonnaǵa jetip, 2021 jylmen salystyrǵanda 55%-ǵa artty; Myrysh negizinde esik-tereze fýrnıtýrasy, jol qorshaýlary jáne basqa ónim túrleriniń óndirisi edáýir artpaq.Qorǵasyn boıynsha:
Bıyl «Kaınar AKB» JShS akkýmýlıator óndirisi úshin 36 myń tonna qorǵasynmen, al «Asma Industrial» JShS 41 myń tonna kóleminde qamtamasyz etiledi.Memleket basshysynyń otandyq ónerkásipterdi otandyq shıkizatpen qamtamasyz etý tapsyrmasy júıeli ári qarqyndy oryndalyp jatyr. Bul sharalar ishki naryqtyń qajettiligin tolyq qamtamasyz etýge jáne ımportqa táýeldilikti azaıtýǵa múmkindik beredi.