О́ńir basshysy Ermaǵanbet Bólekpaevtyń «Qazaqmys korporasııasy» JShS basqarma tóraǵasy Nurahmet Nurıevpen kezdesýiniń qorytyndysy boıynsha jalpy somasy 20 mlrd teńge bolatyn kelisimge qol qoıyldy. Qarajat Balqash pen Qarqaralydaǵy tórt iri áleýmettik mańyzdy jobaǵa baǵyttalady, dep habarlaıdy Egemen.kz.
«Qazaqmys korporasııasy» JShS ornyqty damý jáne kommýnıkasııalar jónindegi basqarýshy dırektory Sáken Shaıahmetov habarlaǵandaı, Balqashta dene shynyqtyrý-saýyqtyrý kesheni men balabaqsha salynady, sondaı-aq Hamzın atyndaǵy Mádenıet saraıy qaıta jańǵyrtylady. Qarqaralyda Balalar men jasóspirimder saraıynyń qurylysy josparlanǵan.
Qazaqmys pen ákimdik osy jobalardy júzege asyrý boıynsha jol kartasyna qol qoıdy. Ol jańa áleýmettik nysandarǵa jer telimderin tańdaýdan bastap paıdalanýǵa berýge deıingi barlyq kezeńderdi qamtıdy.
Ermaǵanbet Bólekpaev naqty mindetter qoıdy. Dene shynyqtyrý-saýyqtyrý kesheninde basseıni, ústel tennısine arnalǵan zaly qarastyrylýy kerek jáne múgedektigi bar adamdar úshin qoljetimdi bolýy tıis. Oblys ákimi Hamzın atyndaǵy Mádenıet saraıyn qaıta jóndeý jobasyn daıyndap, ony qala jurtshylyǵymen talqylaýdy tapsyrdy. Bul rette nysannyń tarıhı kelbetin saqtaý mańyzdy. Sondaı-aq, bilim berý ınfraqurylymyn jaqsartý úshin Balqashta jańa mekteptiń janynda balabaqsha salýdy josparlaý qajet. Kelisim aıasyndaǵy barlyq jobalar 2027 jyldyń sońyna deıin aıaqtalady.
Qaraǵandy oblysy